It-Teatru tal-Miskin | Saydon Studio

B I L J E T T I

STORJA

Tal-linja ma tgħaddix minn Ħal Fern, il-villaġġ maqtugħ mill-bqija tad-dinja. Nesieh kulħadd.

Tliet buffi jaslu f’Ħal Fern. Jidhru strambi u differenti minn kull m’hawn f’dal-villaġġ. Ġew biex jagħmlu it-Teatru tal-Miskin - spettaklu għal l-imsieken ta’ Ħal Fern li nsew il-passat tagħhom. Bl-eleganza u l-melodiji differenti tagħhom, il-Buffi ġew biex jaqalgħu l-istejjer midfunin ta’ Ħal Fern. Stejjer ta’ kif l- intolleranza tan-nies eliminat kull possibiltà ta’ kurżità fosthom. Stejjer li Ħal Fern irid iħallihom midfuna fis-skiet. Stejjer dwar tfajjel partikolari. Tfajjel li jum fost l-oħrajn libes żarbun bit-takkuna.

It-Teatru tal- Miskin huwa musical oriġinali ta’ Luke Saydon. Hija l-istorja ta’ persuna kwir li tikber f’ambjent intolleranti, magħluq u diffiċli jaċċetta dak kollu li hu differenti. Flimkien ma’ programm ta’ attivitajiet fil-kommunità, din hija produzzjoni b’għan li tiċċelebra l-viżibiltà u l-għożża tal-kommunità LGBTQI+ f’ pajjiżna.

INFORMAZZJONI

TUL TAL-PRODUZZJONI:

Siegħa u 30 minuta, bla interval

ETA':

15+

Teatru

BlueBox Theatre, Msida

17 Novembru 2022, 7:30pm

18 Novembru 2022, 7:30pm

19 Novembru 2022, 7:30pm

20 Novembru 2022, 3:00pm (Sottotitoli bl-Ingliż)

20 Novembru 2022, 7:30pm (Sottotitoli bil-Malti)

AĊĊESSIBBILITÀ

Sottotitoli bl-Ingliż: 20th November 2022, 3:00pm

Touch-Tour: 20th November 2022, 6:30pm

Sottotitoli bil-Malti: 20th November 2022, 7:30pm

Fl-20 ta' Novembru, ser norganizzaw touch-tour għal udjenzi neqsin mid-dawl. Persuni neqsin mid-dawl jistgħu jingħaqdu magħna qabel il-prestazzjoni sabiex isiru jafu aħjar l ispazju, il- props, il-kostumi kif ukoll jiġu mgħarrfa dwar aspetti tal-produzzjoni sabiex l esperjenza teatrali tkun waħda bla ostakli.

Biex tibbukkja post għat-touch-tour kif ukoll post għal kumpann, ikkuntattjana fuq info@saydonstudio.com

Jekk hemm ostakli ta’ aċċessibbiltà li jistgħu jżommuk lura milli tingħaqad magħna għat-Teatru tal-Miskin, nixtiequ nisimgħu mingħandek. Għinna nagħmlu t-teatru tagħna inklussiv!

TRIGGER WARNINGS

Mhix l-intenzzjoni tagħna li nagħtu spoilers għall-istorja, però għandna r-responsabbiltà li navżaw udjenzi b’aspetti tal-produzzjoni li forsi jistgħu jqanqlu emozzjonijiet ta’ dieqa.

It-Teatru tal-Miskin jinkludi referenzi għal: omofobija, intolleranza soċjali, vjolenza u hate crimes.

Jekk tixtieq taċċessa kwalunkwe tip ta’ sapport fuq dawn l-aspetti tal-produzzjoni, ninkoraġġuk tikkunsidra dawn l-organizzazzjonijiet u l-għajnuna li jistgħu jipprovdu.

Rainbow Support Services: support@maltagayrights.org jew ċempel +356 79430006.

Malta Gay Rights: http://maltagayrights.org/

MIND OUT: Online LGBTQI+ mental health support- https://mindout.org.uk/